LARISSA EN DANIE

Waarvan word seuntjies gemaak?

Van goggas, paddas en bontskilpaaie,

hamsters, muise en vere van kraaie.

Stukkies tou gekoek om boomgom,

en in sy broeksak 'n nat kougom.

Houtkarre en waens met appels daarop,

ook skopfietse wat jaag en nie kan stop.

Visstokke, hoeke en wurms in blikke

kruiwaens vol beertjies, sonder strikke.

Kosbare klein klippies in die agtersak

en plek waar die kettie aan vashak.

Ook wurms, spinnekoppe en ‘n slakkie

en onder die kombers met sy brakkie!

​

Liewe Larissa en Danie, dankie vir die heerlike tyd saam. Ek weet Klein Hendrick gaan julle net die grootste vreugde en Liefde bring, geniet elke oomblik.